НОВО ИСТРАЖУВАЊЕ: Новиот вид на вурусот е главниот двигател на вториот бран и може да ја намали ефикасноста на вакцините

Добивај вести на Viber

Новиот вид на Ковид-19 идентификуван во Јужна Африка може да ги избегне антителата што го напаѓаат при третмани со користење на крвна плазма од претходно закрепнати пациенти и може да ја намали ефикасноста на сегашната линија на вакцини, соопштија научниците од три Јужноафрикански универзитети кои работат со Националниот институт за заразни болести, пренесува угледниот Ројтерс.  

Истражувачите прават обиди да утврдат дали вакцините што моментално се аплицираат низ цел свет се ефикасни против таканаречената варијанта 501Y.V2, идентификувана од експерти за геномика во Јужна Африка кон крајот на минатата година во заливот Нелсон Мандела.

-Видот 501Y.V2 покажува значително или целосно бегство од неутрализирачки антитела во крвната плазма за обновување на „Ковид-19“, напишаа тие во списанието „BioRxiv Journal“, додавајќи дека нивните заклучоци „ја истакнуваат можноста за реинфекција ... наведуваат намалена ефикасност на сегашните вакцини.“

Тие истовремено соопштија дека видот 501Y.V2 е 50% поинфективен од претходниот, нагласувајќи дека веќе се рашири во најмалку 20 земји откако беше пријавен во Светската здравствена организација кон крајот на декември.

Новиот вид, како што посочуваат е главниот двигател на вториот бран на инфекции со Ковид-19 во Јужна Африка, кој го достигна новиот дневен врв од над 21.000 случаи овој месец, далеку над првиот бран, пред да падне на околу 12.000 на ден.

Британски научници и политичари изразија загриженост дека вакцините што во моментот се дистрибуираат или се во развој може да бидат помалку ефикасни против новиот вид.

Останува да се види колку се ефикасни сегашните вакцини против 501Y.V2, а тоа ќе се утврди само со големи клинички испитувања. Засега резултатите покажуваат потреба од дизајнирање од нови вакцини за справување со развојот на заканата.