Нудат пари за оние кои на работа ќе дојдат со велосипед
Објавено во: Свет 09 Март, 2018
Ако почнат на работа да доаѓаат со велосипед компанија од Нов Зеланд нуди пари за вработените. Работниците кои доаѓаат и од работа си одат дома со велосипед добиваат по 5 долари дневно. Доколку се одлучни и со ваквата рутина продолжат повеќе од 6 месеци, сумата двојно расте и изнесува 10 долари дневно. Вработените парите ги добиваат како бонус, на крајот од годината, наведува „Гардијан“.
„Подолго време размислував дека би било одлично на некој начин да го промовирам возењето велосипед бидејќи сум посветен велосипедист. Сфатив дека парите се најголемиот мотиватор“ - вели Тим Чезни од маркетинг агенцијата „Мејк колектив“.
Слични проекти има и во Франција, каде повеќе компании плаќаат за оние кои на работа доаѓаат со велосипед.