Обликот на лицето на вашиот шеф ја определува неговата финансиска способност

Добивај вести на Viber

Истражувачите велат дека оваа проценка е точна  повеќе кај мажите , отколку кај жените. Авторите Илејн Вонг и Михаел Хаселхун од Универзитетот од Висконсин, Милвоки, како и Маргарет Ормистон од Лондонската школа за бизнис, го објаснуваат значењето на нивната работа. Според нив, ова откритие е огромен успех: „Ние ја идентификуваме кокретната физичка особина и структурата на лицето на лидерите кои се во корелација со нивната организациска способност. Конкретно, лидерите со широки лица  остваруваат поголема финансиска способност.“ Нивното објаснување не е секогаш толку едноставно и не е стопостотна гаранција, велат истражувачите: „Врската меѓу структурата на лицето на шефот и неговата финансиска способност зависат и од динамиката на донесување одлуки во водечкиот тим.“ Вонг, Хаселхун и Ормистон ги анализираа лицата на лидерите на Џенерал Електрик, Хјуит Пакард, Најк и уште 52 други организации во периодот од 1966 до 2002 година. Сите овие се големи компании со годишен приход од 38 милјарди долари и околу 120 000 вработени. Тие користеа слики од интернет кои им служеа како груби податоци за да го одредат размерот помеѓу ширината и должината на нивните лица. Тие исто така направија анализа и врз лицата на студентите кои покажаа дека „оние кои имале пошироки лица полесно ја добиваат битката на преговори и почесто користат измами за да добијат повеќе пари.“