Обработливата површина на основното прехрамбено средство во светот е намалено за 30 отсто во Македонија
Објавено во: Агробизнис 04 Август, 2018
За 30% се намалени површините со пченица за разлика во однос на минатата година. Откако ќе се одбијат трошоците за превоз, откупната цена од осум денари е многу ниска, се жалат производителите на пченица. Бараат од владата да се изврши интервентен откуп.
Македонија веќе неколку години не може да ги задоволи своите потребите. Поради тоа државата мора да увезува пченица и брашно од соседните земји. Причината за ниската откупна цена, земјоделците ја гледаат токму во големиот увоз. Сепак, зад камерата признаваат дека има диви откупувачи од Грција кои нудат повисоки цени.
Македонија во моментов има најниска откупна цена во регионот.
Површините со пченица се помали, бидејќи трошоците за производство се зголемуваат, а откупните цени се намалуваат. Годинава се очекува родот на пченица да биде околу 200.000 тони. Од Сојузот на земјоделци бараат итна средба со премиерот.
Доколку оваа состојба не биде решена од Сојузот на земјоделци велат дека површините засеани со пченица ќе се намалуваат, а тоа ќе доведе до уште поголем увоз на пченица и брашно во државата, односно ќе станеме увозно зависни за пченица која претставува основна храна во нашата држава.
Од Министерството за земјоделство шумарство и водостопанство велат дека со одлука на владата е распишан тендер за набавка на пченица кој трае до 15-ти авуст и дека е зголемено субвенционирањето. Од министерството додаваат дека ќе дадат и субвенции за секој регистриран откупувач од 1 денар за кг откупена пченица, доколку ја плати пченицата на земјоделецот до 15 декември 2018 година.
Додека се решат проблемите на земјоделците во житото уживаат само најмладите.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МАКЕДОНИЈА ИЗГУБИЛА ГОЛЕМ ДЕЛ ОД ДОМАШНОТО ПРОИЗВОДСТВО НА ХРАНА – се сади се помалку и помалку
