Обука „Како да најдам работа и да ја задржам?“

Добивај вести на Viber

Секторот за локален економски развој од општина Куманово во соработка со консултантската фирма Гешташлт Солушнс од Куманово ја организира обуката „Како да најдам работа и да ја задржам?“, наменета за невработени лица од општината, а поддржан од Амбасадата на Кралството Норвешка.

Целта на овој проект е оспособување на невработените со вештини и знаења за полесен пристап на пазарот на трудот.

- Обуките започнуваат на 4. јуни годинава во општинската сала за состаноци.На обуката се пријавија над триесетина, главно млади невработени лица, кои ќе проследат шест модули за барање и задржување на работното место, информира раководителот на секторот за локален економски развој,Зоран Павловски.

Предавачи на обуката ќе бидат преставници од секторот за економски развој и од „Гешталт Солушнс“. Младите ќе се обучуваат како да дојдат до информација за добро работно место,како се подготвува апликација,ќе се запознаат со процесот на професионална селекција, ќе се обучат како да остават впечаток при интервјуирањето, а ќе имаат можност да научат и за одредени вештини и развивање на критичко мислење,потребни за идното вработување.По завршување на обуката,ќе бидат доделени и сертификати.