Од денешното рочиште за Траекторија: Eве какви услови договориле Пешевски и Јанакиески
Објавено во: Економија 18 Септември, 2018
На денешното рочиште на предметот Траекторија се слушаше разговор помеѓу тогашниот вицепремиер Владимир Пешевски и министерот Миле Јанакиевски поврзан со условите за финансирање кои Македонија ги преговарала и добила од кинеската Ексим банка.
Во денешниот разговор се слушна како разменуваат мислења и прават план со цел да добијат поповолни услови од оние кои ги добила Република Србија за сличен проект, и од оние кои ги понудила првобитно Ексим банката. Пешевски и Јанакиески договориле камата од 2% на годишно ниво за кредитот. Во Србија за истиот кредит добиле 3% камата со што испаѓа дека испреговарале подобри услови и направиле заштеда на буџетот во годините кои следат?! Во истиот разговор се гледа дека нашле начин работниците на проектот да не бидат Кинези (како што е на проектот што се гради во Црна Гора), туку македонски државјани и успеале да го зголемат учеството на македонските компании во изведување на работите од понудените 20%, на најмалку 49%, со цел да обезбедат работа за македонските компании. Денес е познато дека досега над 80% од работите на кинеските автопати во Македонија ги изведуваат македонски компании.