23 Ноември, 2020
0.0186

Од државата само 55.000 евра за Олимпијадата во Токио

Објавено во: Финансии 08 Јануари, 2020

Државата ќе ги помогне македонските спортисти со само 55.000 евра во организацијата на нивниот настап на Летните олимписки игри во Токио 2020, донесена е предновогодишна одлука од страна на Владата.

Иако работата на Македонскиот олимписки комитет (МОК) и спортските федерации треба да биде автономна кога станува збор за учествата на Олимпијадите преку своите спортисти, а државата да не се меша во нивната работа, ова сума сепак е симболична кога станува збор за трошоците.

Финансискиот товар за ЛОИ во Токио сепак ќе падне на МОК, а предвидените 3,3 милиони денари кои Владата ќе му ги префрли на Агенцијата за млади и спорт се наменети за партиципација, односно за подготовки на учесниците од Македонија на Летните олимписки игри – Токио 2020. 

Овие срества ќе се распределат на националните спортски федерации за учество и подготовки на евидентните кандидати законски утврдено како јавен интерес на државата во рамки на меѓународните натпревари.

МОК пред две години потпиша договорите за стипендирање со дванаесетмина македонски спортисти од кои се очекуваше да обезбедат олимписка норма, а тогаш претседателот на комитетот, Васил Тупурковски, ја повика државата да помогне да се зголеми делегацијата на учесници на Олимпијадата во Токио.

- Свесни сме дека ова сигурно нема да е доволно, но сите средства кои ги добиваме од програмата на Олимписка солидарност ги враќаме во спортот. Се надевам дека конечно и државата ќе застане зад спортистите и дека ќе сфати, колкаво е значењето на спортот и спортските резултати, во афирмација на самата земја, рече Тупурковски.

На минатите игри во Рио Де Жанеиро пред четири години Македонија беше претставувана од само пет спортисти и тоа со скромен учинок. За споредба, Србија имаше 103, Хрватска 87, Словенија 62, Црна Гора 34, БИХ 11, дебитантот Косово настапи со 8.

Вообичаено, македонските натпреварувачи имаат тешкотија да обезбедат олимписка норма за настап, па во тој случај повеќето од нив кои ќе се најдат на игрите доаѓаат со покана. Позначителен резултат во Сиднеј 2000 забележа борачот Мохамед Ибрагимов со освоениот бронзен медал. Досега Македонија нема ниту еден олимписки настап во колективните спортови.

Македонија по пауза од 12 години ја обезбеди првата олимписка норма за Олимписките игри во Токио во септември минатата година откако Магомедгаџи Нуров освои брозен медал на Светското првенство во борење.  Македонскиот олимписки комитет прослави со закуп на билборди низ главниот град преку кои го промовира првиот патник на ЛОИ во Токио 2020.

А.К.





Можеби ќе ве интересира

Анализа: Има решение - наместо 565 денари месечно за провизии во банка, да платите само 99 денари

Анализа: Има решение - наместо 565 денари месечно за провизии во банка, да платите само 99 денари

КОИ СЕ ТОП ПЕТ НАЈДОБРО ПЛАТЕНИ ВРАБОТЕНИ - за програмерите нема криза, стигнаа до 1.100 евра

КОИ СЕ ТОП ПЕТ НАЈДОБРО ПЛАТЕНИ ВРАБОТЕНИ - за програмерите нема криза, стигнаа до 1.100 евра

ПО СЕФОВИ, ПОД ПАРКЕТИ, НА ТАВАНИ, ПОД ПЕРНИЦИ - еве од каде Заев планира да легализира од 1,5 до 2 милијарди евра

ПО СЕФОВИ, ПОД ПАРКЕТИ, НА ТАВАНИ, ПОД ПЕРНИЦИ - еве од каде Заев планира да легализира од 1,5 до 2 милијарди евра

УЈП им исплати на газдите субвенции за октомвриските плати на над 58.000 вработени

УЈП им исплати на газдите субвенции за октомвриските плати на над 58.000 вработени

БАНКИТЕ ДА СЕ ВОЗДРЖАТ ОД ИСПЛАТА НА ДИВИДЕНДИ И ОД ОТКУП НА АКЦИИ - порака од ММФ

БАНКИТЕ ДА СЕ ВОЗДРЖАТ ОД ИСПЛАТА НА ДИВИДЕНДИ И ОД ОТКУП НА АКЦИИ - порака од ММФ

Генерали инвестментс: Најавите за вакцини носат позитива на пазарот, ама и нестабилност

Генерали инвестментс: Најавите за вакцини носат позитива на пазарот, ама и нестабилност

ЌЕ ИМА ЛИ ПОЈАСНА СЛИКА ЗА ПРОПАСТА НА ЕУРОСТАНДАРД - штедачите тврдат дека многумина се вмешани во организиран криминал

ЌЕ ИМА ЛИ ПОЈАСНА СЛИКА ЗА ПРОПАСТА НА ЕУРОСТАНДАРД - штедачите тврдат дека многумина се вмешани во организиран криминал