Од мај ќе може да си бирате седиште во Визер

Добивај вести на Viber

Визер, најголемата нискобуџетна авиокомпанија во регионот на Централна и Источна Европа, објави дека од мај 2015 ќе воведе доделување на седишта како би го подобрила патничкото искуство и задоволство.

„На изберени рути од 4. мај како и од 19 мај, на сите виз рути, патниците ќе можат да уживаат во автоматска и бесплатна селекција на седишта, кое што ќе стане дел од процесот на резервација од 8 април. „Визер“ ќе дозволува кога е можно да се селектираат соседни седишта на истата резервација кога патниците патуваат заедно. Потрошувачите ќе можат да ги менуваат нивните бесплатни седишта и да селектираат друго седиште за надоместок од едно евро на wizzair.com или на WIZZ мобилната апликација во било кое време, три часа пред летот. Преферираните седишта, со повеќе простор за нозете или пак во прв ред седишта за брзо излегување можат да бидат резервирани со повисок надомест со оглед на достапноста на истото врз основа кој прв пристигне тој прв ќе биде услужен“, се наведува во соопштението.

Визер ова доделување на седишта прво ќе го тестира на избрани линии (Будимпешта-Барселона, Катовица-Лондон, Букурешт-Дортмунд) почнувајќи од четврти мај и потоа целосно ќе се воведува до 17 мај на сите останати линии на Визер, кои ги има 360 и кои поврзуваат 110 аеродроми во 37 земји.

Патниците со карти купени пред 8 април, а за летови на кои ќе се применува новото правило, седиштата ќе им бидат доделени при пријавата за лет (чек ин) додека патниците кои резервирале седишта со додатен простор за нозе или седишта во предниот дел на авионот ќе бидат во можност да ги изберат седиштата по желба без додатни трошкови.

Патниците со членство во  "WIZZ Premium" и "Wizz Privilege Pass" програмот ќе може да го изберат било кое седиште бесплатно како и да ја искористат можноста на приоритетно качување како би избегнале гужва. Од 8 април Визер исто така ќе ги намали износите на доплата за приоритетно качување (Priority boarding) на само  две евра.