МАКЕДОНСКИОТ ПАРЛАМЕНТ ЈА ДОБИ ПРВАТА ЖЕНА СО ХИЏАБ: Имерлије Салиу од „Вреди“ доби пратенички мандат
Објавено во: Македонија 23 Мај, 2024
Албанските медиуми пишуваат дека во македонското собрание влезе првата жена која носи хиџаб на главата.
Станува збор за Имерлије Салиу, членка на „Вреди“, која досега работеше во секторите образование и социјална и детска заштита во општина Гостивар.
Инаку, по прегласувањето во седумте избирачки места во двете изборни единици - донесе и делумно нов распоред на силите во пратеничкиот состав во законодавниот дом. Влен му „зема“ пратеник на ДУИ во шестата изборна единица. Во петката, ситуацијата со пратеничките мандати останува непроменета.
ДУИ изгуби еден пратенички мандат во шестата изборна единица, кој го доби Коалицијата Вреди. Во шестата изборна единица се гласаше само на едно избирачко место, 2101 во општина Желино. По прегласувањето, ДУИ и Влен во шестката ќе имаат изедначен број на пратеници – по осум.
Фото:Фејсбук профил Имерлије Салиу