Од МНР соопштија кога и каде продолжува новата рунда преговори
Објавено во: Македонија 20 Мај, 2018
Од Министерството за надворешни работи соопштија за новата рунда преговори за името која ќе биде во Њујор на крајот на неделава. Овој пат преговорите меѓу министрите за надворешни работи ќе бидат во присуство на медијаторот на ОН.
„Министерот за надворешни работи Никола Димитров, на 24 и 25 мај 2018 год. (четврток и петок) во Њујорк, ќе се сретне со министерот за надворешни работи на Грција, Никос Коѕијас, во присуство на личниот пратеник на Генералниот секретар на Обединетите нации, Метју Нимиц“, велат од МНР.
Лидерска средба вчера се одржа во Скопје, на која премиерот Зоран Заев информираше дека предлогот за кој разговарале со грчкиот премиер, Алексис Ципрас, е Република Илинденска Македонија.