Од Венеција до хотел Дрим: Денеска слетуваат 180 нашинци од Италија
Објавено во: Македонија 14 Април, 2020
Од Венеција до хотел Дрим во Струга. Денеска на скопскиот аеродром во 14 часот со организиран лет од Италија ќе пристигнат 180 патници. Во хотелот во Струга ќе поминат 21 ден, а Владата одлучи нивниот престој во државниот карантин да бид еподолг затоа што доаѓаат од земја која е со висок ризик.
Од Владата инфртомираат дека сместувањето во државен карантин е во строго контролирани и безбедни услови, без никаков финансиски надомест. од аеродромот до хотелот ќе патуваат со автобус и тоа повтроно во контролирани услови.
„Како и досега, нашите државјани кои ќе допатуваат од Италија, Венеција, од аеродром до локацијата за државен карантин ќе бидат превезени со безбеден и строго контролиран автобуски превоз.
Автобусите се со дезинфицирана внатрешност од страна на сертифицирана компанија, обезбедени со полициска придружба, а возачите се со целосна заштитна опрема и скафандери. За граѓаните има обезбедено закуска и вода, информираат од Влада.
Секој македонски граѓанин, кој се враќа во нашата земја со превозот организиран од Владата, има обврска самостојно да го плати авионскиот лет и за веќе утврдената процедура запознаени се сите патници.