Oд ВМРО-ДПМНЕ обвинуваат дека се врши мобинг во МЗШВ

Добивај вести на Viber

Додека земјоделците мака мачат со пласманот на своите производи, како и изнаоѓање на средства за реализација на пролетните земјоделски работи, раководството на Министерството за земјоделство, шумарство и водостопанство, потпомогнато од одредени тимови на СДСМ профилирани кадри, исклучиво се занимава со мобинг и прогон на вработените, а сѐ со цел во оваа институција  да инсталира свои послушници, вели  Никола Мицевски од ВМРО-ДПМНЕ.

Тој потенцира дека на 2-ри април (во понеделник), повикани се сите вработени од министерството и се принудени да пополнуваат прашалници со нивно полно име и презиме (иако вообичаено треба  да се анонимни), а под изговор дека тоа се прашалници кои ќе послужат за функционална анализа во Министерството. Истите им се поделени на вработените и под директен надзор инсистирано е задолжително да се одговори на сите прашања кои во најмала рака можат да се карактеризираат како непристојни, а дел од нив се во директна спротивност со законот за заштита на лични податоци. Пред да се состави овој прашалник не е побарано писмена согласност од вработените да се користат нивните лични податоци, иако според наведениот закон изготвувачот на овој прашалник бил должен да го направи тоа, додаваат од ВМРО-ДПМНЕ. 

„Особено се скандалозни следните прашања: Заокружи 4 или 5 од наведените вработени без кои може да функционира организационата единица? Заокружи 4 или 5 наведени вработени без кои не може да функционира организационата единица? Заокружи кои државни советници не му се потребни на МЗШВ? Оваа се дел од прашањата кои ги содржеле прашалниците“ - вели Мицевски. 

Во оваа постапка прекршен е и Законот за државни службеници, односно се овозможува пониските државни службеници да ги оценуваат претпоставените и тоа не анонимно, додава Мицевски.