Oд ВМРО-ДПМНЕ велат дека Џафери не може место Иванов да го потпише законот, за СДСМ ова е лицемерие
Објавено во: Македонија 22 Март, 2018
Од ВМРО-ДПМНЕ денеска реагираа дека Уставот и законите се јасни, при што претседателот на Собранието, Талат Џафери не смее да си дозволи да го потпише Законот за употреба на јазиците на местото наменето за потпис на претседателот Ѓорѓе Иванов.
Oд партијата велат дека директорот на Службен весник смее да го објави законот без потпис на Иванов, затоа што со тоа ќе изврши злоупотреба на службената положба и овластување.
„Уставот мора да се почитува. Без потпишан указ од страна на Претседателот на Република Македонија нема закон, а доколку некој се обиде и се дрзне да го прекрши Уставот ќе сноси и соодветна кривична одговорност“- наведуваат од ВМРО-ДПМНЕ.
Од партијата додаваат дека законот е неуставен и целосно неприменлив, а последиците ќе бидат огромни и штетни по државата.
Од СДСМ денеска соопштија дека ВМРО-ДПМНЕ лицемерно се однесува кон Законот за јазици кој партијата веќе го прифатила во надеж дека ќе формира влада. Од СДСМ порачуваат дека никој не е над Уставот и претседателот Ѓорѓе Иванов има должност да потпише законот.
Законот за употреба на јазиците, како што наведуваат, е во согласност со Уставот и Амандманот 5 донесени во 2001 година и ја унапредува употребата на сите јазици на немнозинските заедници.