Од ВМРО-ДПМНЕ велат инфлацијата тропа на врата - што одговорија од СДСМ?
Објавено во: Економија 28 Мај, 2018
Инфлацијата тропа на врата, гледаме дека секој ден се зголемуваат цените на бензините и на дизелот, а од друга страна имаме ситуација во која што се зголеми акцизата од 3,5 денари од страна на оваа влада на Зоран Заев и Драган Тевдовски и таа трае веќе со месеци, рече Владимир Ѓорчев од ВМРО-ДПМНЕ.
„Од тие причини ВМРО-ДПМНЕ веднаш, неодложно бара од Владата и од СДСМ да се укине акцизата со зголемување на цената на дизелот и неговите деривати која што ја наметна Владата на Македонија“- рече Ѓорчев.
Од СДСМ велат дека ВМРО-ДПМНЕ шири лаги и лицемерна е кон граѓаните кои 11 години ги крадела според нив, а акцизата тврдат дека не влијае врз растот на цените.
„Не е точно дека постои инфлација, како што не е точно дека минималното зголемување на акцизата за нафтата влијае на покачување на цените во малопродажбата. Сите енергенси во вкупната цена на производите учествуваат со 10 проценти, а акцизата е зголемена само за мал дел од тие 10 проценти, што е незначително за вкупната цена. Цената на горивата ги одредува Регулаторната комисија за енергетика и за причините за зголемувањето на цените опозициската партија треба таму да се обрати. Заклучокот е дека ВМРО-ДПМНЕ шири лаги и лицемерна е кон граѓаните кои 11 години безмилосно ги крадеше, задолжуваше, иселуваше и осиромашуваше само за да се задоволат криминалните апетити на одредени поединци. За разлика од расипничкото и криминално владеење на ВМРО-ДПМНЕ, кога парите на граѓаните се трошеа на споменици, палми и лажен барок, СДСМ преку Владата што ја предводи создава услови за интензивирање на економскиот раст, пораст на платите и животниот стандард“- се вели во реакцијата на СДСМ.
Регулаторната комисија за енергетика реши да ги зголеми цените и на дизелот и на бензините за два денари. Тоа значи дека Еуросупер БС-95 ќе се точи по цена од 73,50 денари за литар, додека Еуросупер БС-98 ќе чини 75,50 денари. Дизелашите ќе полнат дизел за 65 денари. Екстра лесното масло за домаќинство ќе чини 54 денари за литар, а се зголемува и цената на мазутот која од полноќ ќе чини 34,53 денари за килограм. Новите цени стапуваат на сила од полноќ и ќе важат во следните две недели.
Можеби ќе ве интересира
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
