Одекнуваат „бомбите“ за Монструм: „Децата рафално се убиени и во глава се пукани“
Објавено во: Македонија 18 Септември, 2019
-Децата не биле криминалци, туку мирни деца. Рафално се убиени и во глава се пукани, многу грозно. Овој стариот бил убиен најверојатно ради сведок“.
Ова е дел од разговорот објавен во денешната „„бомба“ на рочиштето за случајот „Монструм“ а според наводите воден меѓу екс министерот за транспорт и врски Миле Јанакиески и соговорник извесен Кире Бошков.
Со преслушување на снимени разговори, во Основниот кривичен суд во Скопје денеска продолжи новото рочиште за судењето за петкратното убиство кај Смилковско Езеро на 12 април 2012 година, познато како предмет „Монструм“ на СЈО.
Во тек е преслушување на 25 разговори и 133.000 СМС пораки и други материјали. Првиот пуштен разговор во судницата е снимен на 13 април 2012 година.
Пред почетокот на преслушувањето, обвинителката Фатиме Фетаи изјави дека разговорите се предадени онака како што ги добиле.
Претходно Фетаи пред да влезе во судот рече дека борбата за правда продолжува.