Одрон има на пат во Западна Македонија
Објавено во: Македонија 14 Февруари, 2018
Oдрон на патот има во Западна Македонија.
На патниот правец Тетово-Попова Шапка поради одрон на патот сообраќајот се одвива по една лента, соопштија од Авто-мото сојузот на Македонија (АМСМ).
Сообраќајот низ Македонија се одвива по влажни коловози, додека на повисоките места има остатоци од кашаст снег по интервенција на дежурните служби. Се препорачува внимателно возење, прилагодена брзина на движење и почитување на поставената сообраќајна сигнализација.
Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.
Во последните два дена снегот создаде повеќе проблеми низ Македонија.
На планинскиот превој Ѓавато изутрина во седум часот е укината забраната за тешки товарни возила.
На патот Маврово - Дебар во текот на вчерашниот ден имаше лавина.