Охрид добива казино, на истата локација бизнис отвора и Кичеец
Објавено во: Економија 21 Август, 2024 07:50
Австриската компанија за игри на среќа „Макотен“ ќе отвора уште едно казино под брендот „Фламинго“ - овој пат во Охрид во комплекс хотел Голден Бич. Со тоа Охрид ќе го добие своето прво „оригинално“ казино, затоа што досегашните беа исклучиво електронски.
Комплексот Парк Голден Бич се наоѓа на најлуксузната локација во близина на Охрид, а во негови рамки е и хотелот Голден Вју. Инаку досега казината „Фламинго“ ги имаше на граничниот премин Богородица и во хотелот „Мериот“ на скопскиот плоштад. „Макотен“ уште од почетокот на летото во Охрид отвори школа за дилери, а преку огласи бараше и хостеси, рецепционери, келнери, хигиеничари и друг потребен кадар.
На истата адреса каде што ќе има казино, свои активности подготвува и контроверзниот бизнисмен Зоран Милески Кичеец. По неговото излегување од затвор годинава тој таму ја регистрираше фирмата З&М Компани ЛТД Охрид со дејност хотели и објекти за сместување. Кичеец во мај на истата адреса под иста фирма ја регистрира и подружница 4Л со дејност - ресторани и подготовка на храна. Во јуни Дино Милески станува сопственик на местото на Зоран Милески. Според она што го кажуваат охриѓани, но и според претходните конфискации на Обвинителството, свои апартмани таму има и поранешниот шеф на тајната полиција Сашо Мијалков.
Инаку во релативно краток рок во Македонија започнаа со работа неколку големи класични казина во кои рачно се делат карти со крупие. Од април годинава официјално почна со работа „Адмирал Казино“ во хотелот „Лимак“ во Скопје, а потоа набрзо вратите ги отвори и „Апекс“ во хотелот „Луксор“ кај граничниот премин Блаце.
Според правилата на Министерството за финансии, казината треба на буџетот да му исплатат еднократен износ за лиценцата во висина од 600.000 евра, да исплаќаат 20 отсто од разликата помеѓу уплатениот и исплатениот износ од автоматите, како и да плаќаат од 1.725 до 3.000 евра по маса за играње на месечно ниво. Плус, 3 отсто од разликата помеѓу уплатата и исплатата треба да се исплати на сметка на Министерството за здравство.
Новоматик преку „Макотен“ е краен сопственик на казиното „Фламинго“ на граничниот премин Богородица, како и казиното во хотелот „Мериот“ во Скопје.
Од останатите популарни казина во земјата, познато е уште и „Принцес хотел и казино“ на Богородица во Гевгелија.
Овие казина треба да прикажат и одржуваат основна главнина од 2,5 милиони евра за да можат да работат.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
Германската Heidelberg Postpress бара стабилната деловна средина и квалификувани работници - ТИРЗ Скопје и Штип меѓу потенцијалните локации
Инженери на РМ: ВМРО-ДПМНЕ да ја повлече наплатата од 200 денари за пристап до мрежа, како што вети
