Оние кои прележале корона во последните година дена, се соочуваат со потенцијална смртоносна компликација: Ново предупредување од британски научници
Објавено во: Свет 27 Септември, 2022
Ново предупредување пристигнува од британските научници, а е поврзано со ковид.
Имено, како што се наведува, луѓето кои прележале корона вирус се соочуваат со потенцијално смртоносна компликација.
Ковид го зголемува ризикот од згрутчување на крвта (тромби) опасни по живот - најмалку една година по инфекцијата, предупредија британските експерти
Згрутчувањето на крвта може да предизвика срцев удар, мозочен удар, белодробна емболија (ПЕ), длабока венска тромбоза (ДВТ) и, во најлош случај, смрт.
Истражувањето, објавено во Circulation, врз основа на анализа на 48 милиони медицински досиеја на луѓе со корона, покажа дека вирусот довел до дополнителни 10.500 срцеви удари.
Се верува дека вирусот предизвикал и неколку други компликации, како што се ДВТ и ПЕ само во Англија и Велс.
ДВТ е згрутчување на крвта што често се формира во ногата, додека ПЕ е згрутчување на крвта што го блокира крвниот сад во белите дробови.И двете состојби се сериозни и може да доведат до инвалидитет или дури и смрт.
- Засегнати се и луѓе со благи или умерени форми на корона - велат истражувачите.
Сепак, научниците од универзитетите низ Велика Британија истакнаа дека ризикот од згрутчување на крвта кај оние кои се заразени со корона вирусот е релативно мал и се намалува со текот на времето, пренесува порталот република.рс