ОПРАВДАНИ СТРАВУВАЊА: Германија ќе изгуби 45 милијарди евра при „Brexit“
Објавено во: Економија, Свет 14 Мај, 2016
До почетокот на 2017 година германската економија ќе загуби 45 милијарди евра при излегување на Британија од ЕУ. Тоа ја покажува анализа на германската „DZ Bank“ (Германската централна кооперативна банка).
„Негативниот ефект ќе се почувствува уште во втората половина на оваа година. Според кризното сценарио за Германија ќе настапи блага рецесија околу Нова година“, изјави економистката на банката Моника Бовен.
Според анализата, бруто домашниот производ (БДП) на Сојузната република за 2017 година нема да се зголеми за очекуваните 1,7%, а само за 0,5 отсто. За оваа година растот нема да биде 1,8%, туку 1,4 отсто или загуба од 45 милијарди евра.
„За германската економија на коцка е ставено премногу, бидејќи Велика Британија е еден од нашите најважни трговски партнери“, рече Бовен со оглед на најавениот референдум на 23 јуни на Островот.
Според сегашните анкети британските гласачи се раздвоени по прашањето за или против излегувањето на земјата од ЕУ.
Минатата година Германија извезе за Британија стоки за 90 милијарди евра, што е рекорд. Поголем бил извозот само за САД и Франција.
„Извозот за Велика Британија во 2015 година значително придонесе за стабилизирање на германската конјунктура. При „Brexit последиците за германскиот извоз ќе се чувствителни“, посочи Бовен.
Според неа вистинските последици за Британија при „Brexit“ требало да се почувствуваат по неколку години, но Германија ќе да настрада уште сега.
„Ова е ѓаволски круг - девалвација на валута, паѓање на курсеви на пазарот на акции и уплашени странски инвеститори. Тоа би довело до празнење во финансискиот сектор, што ќе се одрази катастрофално на реалната економија“, предупредува економистката.
Таа не ја исклучува и сеопфатната криза во ЕУ, ако Велика Британија излезе од Унијата. Имало голема опасност да се појават сомневања во врска со иднината на Европа, како и на еврозоната. Тоа требало да доведе и до политичка криза со болни последици.
„Една политичка криза во ЕУ најверојатно ќе доведе до опипливи турбуленции на финансиските пазари“, не иг крие стравувањата Моника Бовен.
Можеби ќе ве интересира
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
CGTN-GLOBAL SOUTH VOICES: „Прекумерен капацитет или страв од подемот на Кина?“
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
