ОРБАН СО УБЕДЛИВА ПОБЕДА: Веројатно ќе го задржи двотретинското мнозинство во Парламентот

Добивај вести на Viber

Партијата на актуелниот унгарски премиер Виктор Орбан убедливо победи на вчерашните оарламентарни избори во Унгарија,а според проекциите неговата партија би можела да освои двотретинско мнозинство во парламентот.

Врз основа на изброените 69 отсто од гласовите, партијата на Орбан , Фидес освоила речиси половина од гласовите 49,51 отсто.

Партијата на Орбан, според гласовите веројатно би имала 134 од вкупно 199 места.

На второ место е десничарската партија Јобик која освоика околу 20 отсто од гласовите односно 27 мандати во парламентот, наведува агенцијатаМТИ.

Следи коалцијата на социјалистите и партијата Дијалог за Унгарија со речиси 12 отсто од гласовите, ЛМП со 6,47 отсто и ДК со 5,32 отсто од гласовите.

За Орбан квалификуваното мнозинство во парламентот ќе овозможи поставување на уставни промени.

 „Земјата е портокалова“ (бојата на Фидес), пишува на првата страница во ноќта спроти понеделникот Index.hu, еден од главните вести сајтови на унгарскиот печат, чиј премиер е обвинет дека го задушува плурализмот во изминатите осум години како премиер. 

Европските партнери не побрзаа да го поздрават 54-годишниот лидер чии националистички ставови против "имиграциската инвазија", мултикултурализмот и наводната интервенција на ЕК во внатрешните работи на Унгарија, се главоболка за Брисел. 

Но, Виктор Орбан не е изолиран случај. Оној кој издигна 2015 година стотици километри бодликава жица, за да ја блокира нелегалната миграција и кој ги споредува бегалците со терористи, е поддржан од миграциската политика на неколку европски метрополи.