Оштетени се кафулиња и дуќани во експлозија во Косовска Митровица
Објавено во: Балкан 09 Јуни, 2023
Експлозија денеска одекна во Косовска Митровица.
Експлозијата се случи на плоштадот „Адем Јашари“ во јужниот дел на Косовска Митровица. Нема повредени, соопшти полицијата.
Портпаролот на полицијата Авни Захити изјави дека се оштетени прозорците на две кафулиња.
„Околу 3.20 часот било пријавено дека на плоштадот „Адем Јашари“ од експлозија биле оштетени стакла на две кафулиња и дуќани. Освен материјална штета, нема извештаи за повредени, истрагата е во тек“, рече Захити.
Последниве неколку недели на Косово беше тензично. Имаше судири во Звечан поради градоначалниците Албанци, кои требаше да стапат на функција, а се избрани на избори кои Србите ги бојкотираа. Србите бараат формирање на Заедница на српски општини, но и косовските специјалци да се повлечат од северот.foto Wikipedia/Jan Pešula