(ВИДЕО) БРОДСКА НЕСРЕЌА ВО ГРЦИЈА: Загинаа седум луѓе меѓу кои и три деца
Објавено во: Балкан 03 Април, 2025 20:13
Има седум загинати, меѓу кои и три деца во бродска несреќа кај островот Лезбос во Грција.
Три деца, три жени и еден маж загинаа во близина на грчкиот остров Лезбос кога петметарскиот гумен чамец на кој, според преживеаните се пренесувало 31 лице, почнал да се полни со вода, а Крајбрежната служба на Грција спаси 23 лица, јави дописничката на МИА од Атина.
Од Крајбрежната служба попладнево информираа дека во раните утрински часови патролен брод при редовна патрола северно од Лезбос, го забележал чамецот што потонал да се полни со вода, а повеќето од патниците биле во морето и веднаш почнала спасувачка акција во која била спасени 11 деца, осум мажи и четири жени.
Од морето биле извлечени седумте безживотни тела, а акцијата продолжува, со оглед на тоа што веројатно еден од патниците е исчезнат, доколку се точни тврдењата на преживеаните дека во чамецот имало 31 лице.
Спасените биле пренесени, првично на пристаниште, а оттаму во прифатниот центар за бегалци и мигранти на Лезбос, додека во прелиминарната истрага 20-годишен бил посочен како криумчар од преживеаните и е уапсен.
фото Крајбрежна служба на Грција
Можеби ќе ве интересира
КОЈ Е ЃУРО МАЦУТ? - Ендокринолог на чело на новата Влада на Србија
ВУЧИЌ ОТКРИ КОЈ ЌЕ БИДЕ НОВИОТ МАНДАТАР: Ѓуро Мацут ќе раководи со Владата во Србија - изборот треба да заврши до Велики петок
ХАОС ВО ДАЛМАЦИЈА ПОРАДИ НЕВРЕМЕТО - дел од патишата се затворени, авионите принудно слетуваат во Бари
СНЕГ ВО СОСЕДСТВОТО - Портокалова метеоролошка тревога во Србија, за утре се најавуваат мраз и температури под нулата
ВУЧИЌ СЕ ПОФАЛИ СО СВОЈАТА МАИЦА: Каква порака испраќа?
СЕ УРНА ТАВАН НА ГРАДИНКА: Три деца се повредени во Босна
(ВИДЕО) НАВРНА ДОЖД КОЛКУ ЗА ЕДЕН МЕСЕЦ: Апокалиптични сцени во Грција
