27 Мај, 2024
0.0274

ОТКАКО ЛИДЛ ЈА КУПИ ЛОКАЦИЈАТА НА „БРИКОЛАЖ“ - сопствениците на куќите околу добија понуди да ги продадат имотите

Објавено во: Економија 21 Март, 2023

Добивај вести на Viber

Откако Фактор ексклузивно ја објави информацијата дека германскиот синџир маркети кој ќе работи во земјава, ја купил локацијата на „Бриколаж“ од „Скопски пазар“, откриваме уште една интересна информација, а таа е дека влезот на Лидл во земјава го зголемил интересот за купување на околните куќи околу овој објект.

Според нашите сознанија, околу „Бриколаж“ има околу 10 до 12 куќи, и токму во последниве два-три месеци дел од нивните сопственици добиле понуди за да ги продадат. Нашите информации говорат и дека цените по кои потенцијалните купувачи сакале да ги купат куќите не биле високи, но за сопствениците било изненадувачки што одеднаш за нив расте интересот. 

Според сознанијата, овие луѓе или фирми што одеднаш се интересираат за куќите во близина на „Бриколаж“ во последниве месеци, всушност начуле дека тука Лидл ќе стартува со својот прв маркет, па сакаат да ги имаат овие имоти и веројатно да извлечат подобра цена доколку за нив се заинтересираат од германскиот синџир. Или, станува збор за еден вид шпекуланти кои сакаат да купат поевтино, а потоа да продадат поскапо на Лидл, и на тој начин да остварат финансиски заработки. Не се знае колку ќе бидат успешни во ваквата своја мисија.

Инаку, Лидл откако влезе и регистрираше своја фирма во земјава, не сака да се експонира и да ги открива своите планови, па затоа официјални информации за овој синџир маркети, е многу тешко или речиси невозможно да се добијат.

Според неофицијлните сознанија, пак, тие веќе отвориле и своја канцеларија во Скопје, во просториите на една автомобилска компанија.

Инаку, во сите огласи за вработување што Лидл ги распишува во земјава, на заинтересираните им се дава на располагање само мејл адресата, но не и било каков телефонски број на компанијата.

Како што веќе објави Фактор, германскиот голем трговски синџир „Лидл“ ја купил локацијата на „Бриколаж“ од компанијата „Скопски пазар. Таму се очекува да никне првиот маркет на Лидл во земјава. Набргу се очекува да се случи и официјалната трансакција, а засега нема информации која е постигнатата сума.Имено, со оглед на фактот дека „Скопски пазар“ е компанија која е котирана на Македонската берза, таа информација би била ценовно чувствителна информација, и би била објавена на платформата СЕИ нет на Берзата. Тогаш и ќе се дознаат повеќе детали околу трансакцијата.

Како што веќе има пишувано Фактор, во февруари 2021 година Лидл ја регистрираше својата компанија во Македонија, а ќе биде управувана од бугарската филијала. Тогаш објавивме дека во земјава е регистрирана подружницата Лидл Северна Македонија Дооел со седиште во скопски Центар и со паричен влог од 500.000 евра, според податоците од Централен регистар. Според описот, Лидл планира да вложи над 10 милиони евра во продавница и да купи земјиште поголемо од 10.000 квадратни метри.

Во ноември минатата година објавивме дека премиерот Димитар Ковачевски и вицепремиерот за економски прашања Фатмир Битиќи оствариле работна средба со претставници на Лидл, како од националниот тим, така и со претставници на меѓународниот управен одбор.На средбата премиерот Ковачевски изразил задоволство што „Лидл“ интензивно работи на подготовките за отпочнување ефективна работа во нашата земја и веќе има вработено 80 лица, а оваа бројка, како што нагласил, дополнително ќе расте.

Томаш Кузма, член на Одборот на компанијата одговорен за Западен Балкан, „Лидл Интернешнл“, објаснил дека како странски инвеститор „Лидл“ високо ја цени соработката и поддршката што компанијата ја добива од Владата на Македонија. Рубријан Хаџиев, главен извршен директор на „Лидл Македонија“, истакнал дека премиерот Ковачевски и вицепремиерот Фатмир Битиќи му обезбедиле на „Лидл“ работни групи во неколку министерства и единствена точка за контакт за да ја олеснат подготовката за можен влез на македонскиот пазар.

Исто така, своевремено објавивме и дека Лидл веќе има идентификувано потенцијална локација за својот логистички центар, на земјиште кое е околу 200.000 метри квадртни и се наоѓа во Општина Куманово. Инвестицијата само во логистичкиот центар е околу 80 милиони евра.

Во април лани, пак, од Лидл имаа средба со градоначалникот на Кисела Вода, Орце Ѓорѓиевски. Заинтересирани за достапни локации каде би можеле да се отворат маркети и регионален дистрибутивен центар, потенцијалните инвеститори, од градоначалникот ги добиле побараните информации околу можностите и потенцијалите на општина Кисела Вода, пишуваа тогаш медиумите.

Некои информации говорат дека се купени парцели и во Кавадарци и Битола.

Н.Н.Ф.

Можеби ќе ве интересира

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ЕУ КАЗНИ АМЕРИКАНСКИ ГИГАНТ СО РЕКОРДНИ 337,5 МИЛИОНИ ЕВРА - вештачки ги држел високи цените на популарната чоколада на штета на потрошувачите

ЕУ КАЗНИ АМЕРИКАНСКИ ГИГАНТ СО РЕКОРДНИ 337,5 МИЛИОНИ ЕВРА - вештачки ги држел високи цените на популарната чоколада на штета на потрошувачите

РАБОТНИЦИТЕ НА ОВАА ГЕРМАНСКА ФИРМА ДОБИВААТ ГОЛЕМ БОНУС - компанијата им дава над 40 илјади евра

РАБОТНИЦИТЕ НА ОВАА ГЕРМАНСКА ФИРМА ДОБИВААТ ГОЛЕМ БОНУС - компанијата им дава над 40 илјади евра

СТАНА КРАЛ НА НЕДВИЖНОСТИТЕ - познат српски трубач гради 17 луксузни вили на Златибор, еве кога ќе бидат вселиви

СТАНА КРАЛ НА НЕДВИЖНОСТИТЕ - познат српски трубач гради 17 луксузни вили на Златибор, еве кога ќе бидат вселиви

ВО СВЕТОТ: ДОАЃА НОВ БРАН НА СНИЖУВАЊА - голема компанија објави намалување на цените на над 4.000 производи. А кај нас кога?

ВО СВЕТОТ: ДОАЃА НОВ БРАН НА СНИЖУВАЊА - голема компанија објави намалување на цените на над 4.000 производи. А кај нас кога?

ГЕРМАНИЈА ВОВЕДУВА ПРОЕКТ „ТУРБО РАБОТА“ - еве што тој ќе значи

ГЕРМАНИЈА ВОВЕДУВА ПРОЕКТ „ТУРБО РАБОТА“ - еве што тој ќе значи

КИНЕЗИТЕ ДНЕВНО ИСПОРАЧУВААТ 88 ТОВАРНИ АВИОНИ СО СТОКА НАРАЧАНА ОД ИНТЕРНЕТ: Ако е сега вака, како ќе биде во септември, октомври, ноември и декември?

КИНЕЗИТЕ ДНЕВНО ИСПОРАЧУВААТ 88 ТОВАРНИ АВИОНИ СО СТОКА НАРАЧАНА ОД ИНТЕРНЕТ: Ако е сега вака, како ќе биде во септември, октомври, ноември и декември?

ЕВЕ КАКО СЕ ДВИЖИ ЦЕНАТА НА ЦРНОТО ЗЛАТО: Имаше ли значителни промени?

ЕВЕ КАКО СЕ ДВИЖИ ЦЕНАТА НА ЦРНОТО ЗЛАТО: Имаше ли значителни промени?

Силјановска Давкова по средбата со Матарела: Побарала гаранции од италијанскиот претседател

Силјановска Давкова по средбата со Матарела: Побарала гаранции од италијанскиот претседател