Отворена рекреативна патека во Крива Паланка – проект кој на форум го избраа жителите на општината
![](/media/main/2023/11/20231129153450.jpg)
Објавено во: Мои пари 29 Ноември, 2023
Жителите на општина Крива Паланка добија ново катче за спортување, дружење и рекреација откако денеска беше пуштена во употреба новата „памп“ рекреативна патека, во комплексот на спортската сала во градот. Станува збор за проект кој беше избран директно од граѓаните на Форумите во заедницата, кои се одржаа во првата половина од 2023 година, во рамки на програмата „Зајакнување на општинските совети“. Важно е да градиме проекти кои ги избрале граѓаните, а најдобро е кога општините се заинтересирани за нивна реализација, порача министерот за локална самоуправа, Ристо Пенов, кој присуствуваше на денешното отворање на патеката.
„Рекреативната патека е нова можност за жителите на општината за дружење и за рекреација, се создаваат услови за развој на спортот, но и за локалниот развој, преку збогатување на понудата за домашните и посетителите од странство. Додадена вредност на овој проект е во тоа што е избран од граѓаните на Крива Паланка“, рече Пенов.
Програмата „Зајакнување на општинските совети“ ја финансираат Швајцарската влада и Министерството за локална самоуправа, а ја кофинансира и спроведува Програмата за развој на Обединетите нации (УНДП) во соработка со национални и локални партнери.
„Нашите заеднички напори не беа фокусирани само на спроведување на овој инфраструктирен проект и реализација на Форумите во заедницата туку колективно се фокусиравме и на унапредување на знаењето на советниците преку специјално подготвени обуки поврзани со локалното одлучување. Дополнотелно, еден од клучните елементи на програмата е зајакнување на транспарентноста и отвореноста на локалните носители на одлуки преку интеграција на дигитални алатки“, рече постоајниот претставник на УНДП, Армен Григорјан.
Во рамки на проектот беше обезбедена специјална аудио и видео опрема за снимање и пренос во живо на седниците на советот на Крива Паланка, со што се овозможува поголема транспарентност во работењето на локалната самоуправа. Градоначалникот на Крива Паланка, Сашко Митовски порача дека со имплементацијата на овие проекти се подобрува квалитетот на живот за граѓаните во општината.
„Вредноста на целиот проект со кој е изградена „памп“ патеката изнесува четири милиони денари, од кои 2,5 милиони денари се грант од проектот „Зајакнување на општинските совети“, а 1,5 милиони денари кофинансира општината. Во знак на про-актиевн пристап на советниците обезбедивме дополнителна донација во вредност од 800.000 денари наменети за обезбедување на техничка, аудио и видео опрема, за директен пренос на седниците на советот“, изјави Митовски.
Во текот на оваа година, освен Oпштина Крива Паланка, УНДП поддржа и други девет партнерски општини кои спроведуваат слични проекти и активности. Со тоа, до крајот на 2023 година ќе с реализираат вкупно 10 приоритетни проекти, избрани од граѓаните, во вкупна вредност од околу 620 илјади долари. Дополнително, 18 општини добија поддршка за мерки за подобрување на транспарентноста на работата на општинските совети и општините преку дигитални алатки во вкупна вредност од 215 илјади долари.
Можеби ќе ве интересира
„Сакам да работам“ до Министерот за спорт: Каква порака испраќате до 10 илјади семејства?
![](/media/main/250x170/2023/03/20230302172611.jpg)
„АЏИБАДЕМ СИСТИНА“ ДЕЛ ОД МЕЃУНАРОДНИОТ КУРС ЗА НОВИТЕТИ ВО НЕОНАТАЛНА И ДЕТСКА ХИРУРГИЈА
![](/media/main/250x170/2024/08/20240830150043.jpg)
Новите Samsung Galaxy Watch се грижат за вашето здравје!
Што има врска концептот на намалување штети со борба против пушењето?
![](/media/main/250x170/2024/08/20240830131140.jpeg)
Водич за родителите - Како да го изберете најдобриот банкарски пакет за вашите деца
![](/media/main/250x170/2024/08/20240830100813.jpg)
ДЕЛЕГАЦИЈА НА АМБАСАДАТА НА КАЗАХСТАН ВО ПОСЕТА НА „АЛКАЛОИД“
![](/media/main/250x170/2024/08/20240829162601.jpg)
СРЕЌНИ ВЛТ ВЕСТИ: ГОРАН АНТИЌ ОД КУМАНОВО СТАНА МИЛИОНЕР ОСВОЈУВАЈЌИ 1.782.101 ДЕНАРИ
![](/media/main/250x170/2024/08/20240829144226.png)
Како да препознаете лажни содржини креирани со вештачка интелигенција? Веќе е возможно!
![](/media/main/250x170/2024/08/20240829132653.png)