Ова е новата цена на струјата

Добивај вести на Viber

РКЕ продолжува да ги држи уздите како што треба и нема да дозволи промена на цената на електричната енергија. Таа за домаќинствата ќе остане иста

Цената на електричната енергија за домаќинставата нема да се менува, ќе остане иста како и досега. Тоа значи дека во скапа (висока) тарифа цената за киловат час ќе биде 5,54 денари, а во ниска (евтина) тарифа ќе остане 2,78 денари за киловат час. Кај броилата кои се на една тарифа и кај кои нема скапа и евтина струја цената ќе биде 4,45 денари за потрошен киловат час. Ова се цените ко денеска Регулаторната комисија за енергетика ќе ги додели на новиот универзален снабдувач ЕВН Хоме, фирма ќе на ЕВН Македонија. Ова значи дека граѓаните и во иднина можат да бида мирни од ценовни шокови кои се однесуваат на промена на цената на електричната енергија.

Дознаваме дека кај учесниците во системот на регуларани цени кои ги определува РКЕ ќе има промени кај преносните тарифи на двата оператори на системи и на дистрибутивниот систем и на преносниот систем. Најголемиот оператор на дистрибутивен систем „Електродистрибуција“ фирма на ЕВН ќе добие просечна цена за киловатчас од 1,49 денари за киловатчас дистрибуирана електрична енергија и тоа е за 0,08 денари повеќе од тоа што го добиваа лани за истата услуга. Тоа е зголемување за 5,4 отсто на последната цена. Преносниот систем оператор МЕПСО за преносната тарифа која вклучува одржување, надградба и управување со преносната мрежа (од која превземаат дистрибутивните мрежи) од први јули ќе добива 0,176 денари за пренесен киловат час и тоа е за 14 отсто помалку во однос на цената што важеше досега и изнесува 0,2 денари за пренесен киловат час електрична енергија. Ова намалување нема да го почувствуваат домаќинствата, но ќе биде добродојдено за компаниите кои се снабдуваат со електрична енергија по пазарни цени од снабдувачи.

И покрај тоа што нашот пазар за електрична енергија теоретски е либерализиран и за домаќинствата повеќе од извесно е дека ниту еден снабдувач на електрична енергија не може да понуди подобра цена од таа што ја утврдува РКЕ.

Р.Ф.