Ова мора да го пробате: Рецепт за срце стар 800 години!
Објавено во: Стил 11 Септември, 2014
Творец на познатиот рецепт е игуменија Хилдегард вон Бинген, која живеела пред 800 години, а нејзиниот рецепт за срцеви проблеми го преземале дури и лекарите. Рецептот подоцна го пренела и познатата билкарка Марија Требем.
Природниот лек за срце се покажал корисен кај срцеви мани, но и кај сериозни срцеви заболувања. Се користи кога почуствувате било каква срцева тешкотија како треперење, прескокнувања или поради стрес, а се покажал и корисен и кај ангина пекторис (градна болка предизвикана од исхемија на срцевиот мускул).
Состојки:
- 10 свежи стебла магдонос (без корен) - литар домашно црно или бело вино - две лажици вински оцет - 300 грама природен мед
Подготовка:
Десетте свежи стебла магдонос заедно со листовите ставете ги во литар чисто домашно вино и додајте 1-2 лажици чист вински оцет.
Гответе 10 минути на тивок оган. Потоа додадете 300 грама природен мед и оставете да се готви уште 4 минути. Жешкото вино исцедете го и така топло ставете го во шишиња, кои претходно ги измивте со силен алкохол. Добро затворете. Талогот кој се создава не е штетен и слободно може да го пиете.
Употреба:
Напивката се користи секојдневно, по една супена лажца до престанок на тешкотиите. За потешки болести се препорачува користење подолг временски период.
