Пациентите од болницата во Козле постепено ќе се трансферираат на Детската клиника

Добивај вести на Viber

Од Институтот за белодробни заболувања „Козле“ информираат дека целосно ги почитуваат одлуките на Министерството за здравтво и на Комисијата за заразни болести, така што уште во текот на вчерашниот ден почна да се спроведува последната изречена мерка за превенција од коронавирусот...

- Од вчера, па и во текот на денешниот ден, сите дечиња кои се со олесната симптоматологија се пуштени на домашно лекување. Истовремено, сите пациенти кои се на дневна болница, а немаат покачена температура се исто така пуштени на домашно лекување. Доколку имаат потреба од понатамошен третман заради некоја покомплицирана симптоматологија се јавуваат на Детската клиника во Скопје. Оние кои во моментот се хоспитализирани, кои отприлика се 40-ттина, со подобрувањето на клиничката слика ќе бидат испишани од болницата во Козле, а сите кои бараат понатамошен третман во согласност со препораките од страна на Комисијата за заразни болести и во договор со Детската клиника ќе бидат трансферирани таму. Транссферот, најверојатно ќе биде со амбулатно возило за децата кои се со потешка клиничка слика, а останатите ќе бидат префрлени или индивидуално или со служебено возило, изјави за Фактор.мк д-р. Ангелчо Андоновски, директор на Институтот за белодробни заболувања „Козле“.