Паднатиот авион на „Ер Азија“ немал дозвола за летање

Добивај вести на Viber

Авионот на компанијата „Ер Азија“, циј „Ер Бас А0-200“ падна пред девет дена на патувањето од од Сурабија во Сингапур, немал дозвола од Министерството за транспорт на Индонезија да лета за време на кобниот ден, се вели во соопштение на министерството. „Сосема е јасно дека станува збор за прекршување на прописите бидејќи авионот немал дозвола за летање“, истакнал директорот за авиосообраќај при Министерството за транспорт, Џоко Мурјатмоџо, пренесуваат ликалните медиуми. Според неговиот исказ, Министерството во моментов истражува кој дал дозвола овој авион да полета. Тој потсетил дека летовите на компанијата „Ер Азија“ на оваа линија биле дозволени само во понеделник, вторник, четврток и сабота, а несреќата се случи во недела на 28 декември. Претходно, индонезискиот министер за транспорт Игнасиус Џонанм ги обвини пилотот на авионот бидејќи де ги видел информациите за временските услови пред летот. Меѓутоа, индонезиските пилоти тврдат дека обвинувањата на министерот се неосновани. Во отворено писмо до медиумите пилотите наведоа дека министерот измислува и дека брифингот на пилотите за временските прилики не се дел од задолжителната процедура за пилоти. До сега пронајдени се пет делови на леталото на морското дно во близина на брегот на Борнео, каде „Ер Бас А0-200“ се сруши со 162 патници и членови на екипажот по само 40 минути од полетувањето од вториот по големина индонезиски град Сурабија кон Сингапур. Во несреќата нема преживеани.