Паѓаат приходите на европските семејства, ниту 2013-та ќе биде подобра
Објавено во: Свет 09 Јануари, 2013
„По петгодишна економска криза и враќање на рецесијата во 2012 година, невработеноста е на рекордно ниво во изминатите 20 години, приходите на домаќинствата се намалени, а опасноста од сиромаштија расте, особено во државите од јужна Европа“, се вели во извештајот на ЕК.
Нето приходите на домаќинствата во две третини од државите од ЕУ во тој период се намалени. Најголем пад на приходите од 17 отсто е регистриран во Грција, во шпанските и кипарски домаќинства намалувањето 8 отсто, во Ирска 7 отсто и Естонија 5 отсто.
На другата страна на листата се наоѓаат Франција и Германија, каде растат приходите и покрај кризата.
Она што загрижува се предвидувањата во извештајот каде стои дека во 2013 година не се очекува подобрување на постоечката ситуација пред се заради рекордната стапка на невработеноста која минатиот ноември беше 11,8 отсто и опфаќа 18,82 милиони луѓе.