„Палома Бјанка“ ќе облече барокно руво
Објавено во: Економија, Македонија 17 Август, 2016
Продолжува облекувањето на барокно руво низ центарот на Скопје и трошењето на милионски суми евра.
Последниот тендер е за промена на постоечкиот изглед на објектите на улица „Македонија“.
Всушност, Град Скопје ќе даде 70.475.222 денари, односно над 1,1 милион евра за да ја пресоблече предната фасада на зградата број 32, пренесе Билд.мк .
Во натпревар со пет градежни компании, тендерот за изведување на замислата за барокизација на надлежните го доби фирмата „Пелагонија“ од Гостивар.
Овој објект е еден од долгата низа згради во центарот на градот што ќе добие „стилска“ фасада. Поголем дел веќе се рефасадирани, а на дел се работи.
Градските власти деновиве распишаа оглас за избор на фирма што ќе го работи основниот проект за промена на надворешниот лик на деловниот комплекс „Палома Бјанка“. Проценето е дека за проектот ќе треба да се плати околу 7.000 евра според пишувањата на Утрински весник.
Реакции на архитектот и опозицијата
Како автор на архитектонската творба која била избрана на Конкурс, Трајко Димитров не може да си го заштити своето авторско дело. Димитров преку телевизиите и порталите повикува да се заштити неговата оригинална творба.
„Ние очигледно имаме апсолутна асистенција за решавање на политичката криза, да побараме асистенција од УНЕСКО и за проблемот на обезличувањето на Скопје“ посочува архитектот Димитров.
Опозицијата пак не престанува со реакции на барокните фасади кои веќе две години го облекуваат центарот на главниот грда.
„Ова е болно. Ова е еднакво на лудост. До сега на менување на барокни фасади се потрошени над 10 милиони евра. Ова неколкукратно зголемување на опфатот, овие нови бројни згради кои треба да се „пресоблечат“ во барок, ќе значат нови околу 50 милиони евра за раскошот и луксузот на Никола Груевски и Трајановски “-реагираат од СДСМ.
Надлежните, според замислата во централното градско подрачје планираат да ги променат постоечките фасади на минимум 70 објекти.
Можеби ќе ве интересира
Јован Деспотовски замина во опозиција и отвора приватен бизнис
КОЈ Е ПОДГОТВЕН ДА ИНВЕСТИРА ВО ОБЈЕКТ НА ПОПОВА ШАПКА?! Еве што може да купите преку комерцијалните банки
ФИРМИТЕ ШТО СЕ ПРИЈАВИЛЕ НА ТЕНДЕРОТ ЗА БУГАРИЈА, НЕ ПЛАНИРАЛЕ ДА ГРАДАТ, САКАЛЕ ДА ГО ЗЕМАТ АВАНСОТ И ДА ИСЧЕЗНАТ: Николоски открива зошто пропадна тендерот за пруга кон Бугарија
УЛТРА, МЕГА, СУПЕР БРЗ ВОЗ ОД БЕЛГРАД ДО УНГАРИЈА: Ќе се патува само 76 минути
ЕВЕ КАДЕ ЌЕ ШЕТАМЕ - БЛИЗУ 400 ПРОДАВНИЦИ, РЕСТОРАНИ И СУПЕРМАРКЕТИ: Во Нов Белград официјално беше отворен новиот кинески трговски центар
СРБИЈА ЌЕ ДОБИВА ГАС ОД АЗЕРБЕЈЏАН: За колкава количина се работи?
Свислион затвора продавници „Слатка куќа“ низ Белград и Србија
ЕВН Снабдување – 10 години лидер на слободниот пазар на електрична енергија – стабилен и сигурен партнер за македонските компании
ПО ДЕВЕТМЕСЕЧНО ДИРЕКТОРУВАЊЕ СО НАЈГОЛЕМАТА ВИНАРСКА ВИЗБА - Бранка Славеска повеќе нема да раководи со „Тиквеш“
