Партии од регионот го поддржаа Ердоган за претседател на Турција

Добивај вести на Viber

Претставници на повеќе политички партии од регионот упатиле писмо со поддршка на турскиот премиер Реџеп Тајип Ердоган, кој се кандидираше на претстојните претседателски избори во Турција. Како што објавија турските медиуми, повикувајќи се на информации од Изборниот штаб на Ердоган, претставниците на неколку партии од Македонија, Црна Гора, Бугарија, Грција и Косово го испратиле писмото во кое се заблагодаруваат за поддршката што Ердоган му ја дава на регионот во изминатите 10 години. „Во нашите срца и срцата на нашите народи, токму како и во срцата на сите загрозени и обесправени луѓе на светот, врежавте неизбриѓлива трага и таму ќе останете“, било наведено во писмото, што меѓу другите го потпишал и претседателот на Демократската партија на Турците во Македонија Кенан Хасипи. Освен него, потпис ставиле и претседателот на Бошњачката партија во Црна Гора Рафет Хусовиќ, основачот и претседателот на Народната партија на честа и слободата во Бугарија Касим Дал, претседателот на Демократската народна партија на Косово Махир Јагчилар и пратеникот во грчкиот парламент Ахмет Хаџиосман. Владејачката турска Партија на правдата и развојот на 1 јули соопшти дека Ердоган е нејзин кандидат за претседателските избори. Првиот круг од изборите ќе се одржи на 10 август и тоа ќе биде првпат, турските граѓани да бираат претседател на избори. Досега шефот на државата го избираше турскиот Парламент.