Пекабеско ја заврши 2015 со пораст на приходите од 12,5%
Објавено во: Економија 16 Јуни, 2016
Раст на вкупните приходи од 12,5% бележат ревидираните финансиски извештаи на Пекабеско АД Скопје.
3,4 милијарди денари се вкупните остварени приходи во 2015 на компанијата за разлика од 2014 кога приходите изнесувале 3,0 милијарди денари.
Во годишниот извештај објавен на Македонската берза се забележува дека од тековните приходи на компанијата остварени се вкупни расходи во износ од 3.280.650.963 денари, кои исто така како и приходите се поголеми од истите во 2014 година за 11,7%
Што се однесува до добивката и таа бележи раст во однос на 2014 и остварен е износ од 77.213.824 денари на која е платен данок на добивка во износ од 1.384.420 денари.
Акумулираната добивка Пекабеско АД Скопје ќе ја распореди во резерви во инвестици во износ од 77.213.824 денари.