Пендаровски: Ако има потреба ќе препорачаме кризна состојба и за други општини
Објавено во: Македонија, Корона Вирус 16 Март, 2020
Претседателот Стево Пендаровски вечерва по Советот за безбедност изјави дека заклучокот за Дебар и Центар Жупа е дека има одлична соработка меѓу институциите.
Вели дека поставеноста на државата во овој момент е соодветна.
За заразените наведе дека епод потребен здравствен мониторинг.
Ако има потреба, може да се препорача прогласување кризна состојба и во други општини.
Вели дека не треба да се избрзува со прогласување на кризна состојба.
Додаде дека дури и без вонредна состојба, може да се ограничи движењето на граѓаните од една во друга оппштина.
„Прва, основна причина е дека нема потреба и второ јасно е секаде во светот за жал, кризата ќе трае. Кризата не е тука за недела, или две“, изјави претседателот.
Рече дека се мобилизирани максимално кадрите во здравството.
Ги повика граѓаните да ги следат упатствата, мерките, да не патуваат надвор без потреба.
На сите присутни на Советот за безбедност им беше измерена температурата.
Ако има потреба, Советот ќе се состанува секој ден, ќе следи што се случува.