ПЕТРОВСКА: Изборот за претседател на СДСМ да не го претвориме во реалити шоу
Објавено во: Македонија 11 Јуни, 2024
Kандидатот за претседател на СДСМ, Јован Деспотовски денеска повторно ги покани своите противкандидати на јавна дебата. Со свој коментар се јави Славјанка Петровска која сака да го води СДСМ.
Таа посочи дека веќе одамна дебатира со членството за прашањата кои се од интерес на партијата и побара да не се прави шоу од внатрепартиските избори.
„Претседател на СДСМ е премногу сериозна и премногу одговорна позиција за да се сведе на секојдневно лиферување соопштенија и скапо платена пр агенција. Ги повикувам кандидатите и членовите на СДСМ во име на социјалдемократијата да ја заштитиме партијата и изборот за претседател на СДСМ да не го претвориме во реалити шоу“, вели Петровска.
По слабиот резултат на изборите, Димитар Ковачевски се повлече од лидерската позиција.