Писмо од огорчен Хрват:Го одбиле поради потврда за англиски, а магистрирал во Њујорк!

Добивај вести на Viber

Нико Радиќ аплицирал за работно место на позицијата советник за градба распишан од страна на градот Дубровник. Дисквалификуван е поради тоа што не доставил потврда за познавање на странски јазик и за работа со компјутер иако магистрирал градежништво во Њујорк. Затоа Радиќ, до претседателот на комисијата Динко Мириќ кој му образложил зошто е одбиен, упатил писмо коешто беше објавено од порталот „Dubrovniknet.hr“. Во писмото се вели: „Дозволете ми неколку зборови.  Жал ми е што имате погрешно мислење дека може да се магистрира на отсекот градежништво и тоа во Њујорк, без напредни познавање на компјутерски вештини. Сите цртежи, пресметки и текстови неопходни за успешно завршување на постдипломските студии, се работат со помош на компјутер. Дозволете да Ви откријам една тајна-рапетографите се надвор од употреба! Навистина ми е жал што не успеав да Ви доставам сертификат за успешно завршување на почетен курс за Word и Excel од локално ушилиште  и Ве лишив од можноста да ме прогласите за компјутерски гениј. Каква грешка ... Навистина би требало да се запишам на курс по англиски за почетници ... Жал ми е што мојата магистерска диплома  не ја гледате како доказ за одлично познавање на англискиот јазик, особено стручниот, бидејќи дипломата е доказот. А Вие погрешивте. Жал ми што ги проверувате само познавањата за бирократските прописи и тоа погрешно го нарекувате проверка на знаењето и вештината на кандидатите“, огорчено пишува Радиќ.