ПИСМО ВРЕДНО СКОРО МИЛИОН ВРАТЕНО НА ШПАНИЈА: Кому му припаѓало?
Објавено во: Свет 08 Јуни, 2018
Украденото писмо на Кристофер Колумбо e вратено на Шпанија.
Американските власти oбјавија дека писмото му е предадено на шпанскиот амбасадор во САД, а пронајдениот примерок е украден во 2005 година во градот Барселона.
Писмото, кое е упатено до кралот Фердинанд и кралицата Изабела, е едно од 16-те копии кои се изработени по барање на Колумбо. Во него се опишани откритијата на морепловецот во новиот свет.
Писмото е украдено така што што е заменето со фалсификувана копија, која е откриена дури во 2012 година, откако се појавила информација дека повеќе примероци од писмото се украдени од европските архиви.
Со истрагата е утврдено дека примерокот украден во Барселона прво е продаден за 600.000 евра, а потоа во 2011 година е препродаден за цена од 900.000 евра.