Плантажа во Србија од која килограм чини 1500 евра…
Објавено во: Стил, Финансии 03 Август, 2016
Иако лавандата се одгледува во Медитеранот, постои место во Србија каде оваа билка вирее веќе осма година и има добар квалитет.
Најголемата плантажа со лаванда на Балканот се наоѓа во Стара планина. Освен лаванда, има и смиљ од кој еден килограм масло чини 1500 евра.
Со многу труд и посветеност на полето работи Лилјана Петровиќ.
„Многу работи не знаев, но многу патував, не знам ни јас колку пати сум била во Франција, но праксата е нешто друго. Она што ќе го видите, нема врска со она што ве чека“- вели таа.
Прво се коси, се обработува земјата и се собира цветот. Потоа цветовите завршуваат во казани за дестилација. Некогаш тоа било рачно, а сега се работи машински.
„Лесно е на младите да им речете, аха засадете, тоа е профитабилно, тоа е супер, но што понатаму? Не е лесно да се прави дестилера, да се прави сушара и тоа секако многу чини“ - додава Петровиќ.
Таа вели дека на третата година веќе има профит од оваа работа. Бидејќи се работи за органско производство, маслото е многу скапо и го продава на белгискиот пазар.
