„Платеници 3“ без Брус Вилис – барал по еден милион долари на ден за снимање на филмот
Објавено во: Стил 08 Август, 2013
Без Брус Вилис ќе се снима третото продолжение на филмот „Платеници“. Причина е што актерот барал премногу висок хонорар, односно еден милион долари од ден снимање.
Вилис се откажал, откако открил дека за четири дена снимање, ќе добие хонорар од три милиони долари, а тој барал четири. Продуцентот, и автор на франшизата, Силвестер Сталоне, експресно го одбил и го заменил со Харисон Форд.
„Мислам дека Брус се изненади што му најдоа замена во рок од 72 часа. И тоа подобар актер, подобра личност и многу поинтересен карактер за филмот“ изјавил извор близок до продукцијата.
Во исто време, и Сталона на својот твитер профил објавил скриена порака до Вилис: „Алчност и мрзеливост, сигурна формула за пропаст на кариерата“.
Снимањето на „Платеници 3“ почнува овој месец, а филмот ќе се појави во кино салите следната година.
