ПЛАТИ ВО ИНДУСТРИСКИТЕ ЗОНИ: „Магна Мирорс“ и „Дура Аутомотиве“ со најдоброплатени работници
Објавено во: Економија 29 Ноември, 2024
Магна Мирорс, канадската компанија за производство на ретровизори и поврзани системи, ги има најдоброплатените работници во споредба со сите други странски инвеститори кои се поголеми вработувачи во технолошко-индустриските развојни зони.
Во фабриката, која започна со работа во октомври 2022 во слободната индустриска зона во Струга, просечните нето плати изнесуваат 62.800 денари, пресмета „Фактор“ со конвертирање на бруто износите.
Од извештајот кој го доби „Фактор“ од Дирекцијата за технолошко-индустриски развојни зони, каде што задолжително секој инвеститор мора да ги внесе податоците за поделените плати, во текот на 2023 „Магна Мирорс“ имала трошок од 882 милиони денари за исплата на 769 работници.
Дура Аутомотиве Стрекчерс, уште една компанија која произведува напредни технолошки системи за автомобилските брендови, е втора по големина кога станува збор за поделени нето плати. Американскиот инвеститор, кој со работа започна во 2020 и најави уште две фабрики во втората скопска зона, минатата година во просек исплаќала плата од 53.800 денари.
Инаку „Гентерм“ во Прилеп имал најголем број на вработени - 2.778 работници во текот на минатата година, каде што просечната плата е сепак само 29.720 денари. Тука биле и најголеми бруто трошоците за плати - 1,48 милијарди денари, или повеќе од 24 милиони евра за минатата година.
Во извештајот на Дирекцијата може да се види дека убедливо најголем број од вработените во слободните зони, според степенот на образование, се со средна стручна спрема. Треба и да се каже дека овие инвестиции се помогнати финансиски од државата, а меѓудругото и со субвенционирање на платите за нововработените.
Во слободните индустриски зони произведуваат голем број на фабрики, но „Фактор“ ја изнесува висината на платите на најголемите работодавачи. Треба да се напомене дека големи работодавачи како Кромберг и Шуберт, како и Дрекслмајер не се дел од овие зони. ТИРЗ единствено немаше јасен податок за доделените плати на „Адиент“ во Струмица. А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МАКЕДОНЕЦОТ СЀ ПОВЕЌЕ СЕ СТРЕМИ ДА СИ КУПИ НОВА КОЛА, АМА „ПОЛОВЊАЦИТЕ“ УШТЕ ЦАРУВААТ - еве со колку нови и користени возила се „подновивме“ годинава
ОД ЈАЈЦАТА ПА СЕ ДО МЕСОТО - нема производ без повисока цена
„ДОВЕДЕНИ СМЕ ВО СОСТОЈБА ЈАС И КОЦЕ ТРАЈАНОВСКИ ДА БИДЕМЕ НАДЗОР И ЕДНАШ НЕДЕЛНО ДА ИМАМЕ ТЕШКИ ДИСКУСИИ СО БЕХТЕЛ И ЕНКА“: Министерот Николоски, ексклузивно во „Бизнис муабети“ на Фактор
Членовите на задолжителниот пензиски фонд на „Сава“ за еден ден станаа побогати за 3,5 милиони евра! Кој е нивниот добротвор?
КОЦЕ ТРАЈАНОВСКИ СЕ ПОФАЛИ: Завршија градежните активности на трасата Страцин - Крива Паланка
НАЈСТАРАТА ФАБРИКА ВО СВЕТОТ ОДИ ВО БАНКРОТ! Нема кој го немаше ова во својата куќа, а сега го допре дното по 300 години постоење - еве што се случи
КРИЗА ЈА ТРЕСЕ ЕВРОПСКАТА АВТОМОБИЛСКА ИНДУСТРИЈА: Уште еден производител најави отпуштање на околу 4.000 работници
Министерката Божиновска на средба со британскиот комесар за трговија за Европа, Крис Бартон, и амбасадорот Метју Лосон
Трамп со најавите за зголемени царини дополнително „ја надува“ рекордно високата цена на кафето
