По 100 години на пазарот, позната компанија во Германија прогласи банкрот! Засегнати се од финансиски проблеми

Добивај вести на Viber

Познатата германска компанија Wechsler Finefish, специјализирана за премиум чадена риба, прогласи банкрот.

Компанијата испорачува рибни производи на трговски синџири како што се Edeka и Globus, како и на бројни органски супермаркети.

Според извештајот на германскиот специјализиран весник Lebensmittel Zeitung, Трговскиот суд во Келн отвори постапка за банкрот, а Јенс Шмит е назначен за привремен стечаен управник. Целта е да се најде стратешки купувач со цел да се продолжи со производството и да се спасат околу 40 работни места во седиштето на компанијата во германската покраина Северна Рајна-Вестфалија.

Wehsler Finefish е на пазарот повеќе од 100 години и е позната по своите висококвалитетни производи од чадена риба. Покрај конвенционалната понуда, компанијата дистрибуира и органски рибни производи под брендот Biomare, кои се вклучени во асортиманот на бројни органски супермаркети. Исто така, снабдува и угостителски објекти.

Финансиски проблеми по промената на сопственоста и затворањето на полскиот погон

Финансиските проблеми ескалираа по промената на сопственоста во 2024 година, кога Теодор Јансен ја презеде компанијата. Преземањето беше поврзано со висок долг, што на крајот доведе до презадолженост и банкрот. Ситуацијата беше дополнително влошена со ненадејното затворање на клучен производствен погон во Полска, каде што фабриката за преработка на пастрмка престана со работа во ноември 2024 година.

И покрај предизвиците, и менаџментот и стечајниот управник се оптимисти. Веќе има неколку потенцијални купувачи, а добавувачите и големите купувачи, вклучувајќи ги Едека и Глобус, изјавија дека ќе продолжат да соработуваат со Вешлер.