По 30 илјади денари за промоторите на Македонија?!
Објавено во: Стил 25 Јули, 2013
Конкурс за доделување на еднократни финансиски средства наменети за творечки дејности реализирани во 2012 година од наставници и соработници на високообразовни установи, распиша Министерството за образование и наука во соработка со Министерството за култура.
Наставниците и соработниците од високообразовните и научни установи кои активно творат во областите ликовна, драмска, музичка уметност, архитектура, филм и книжевност и ја промовираат Република Македонија на престижни светски настани, може да аплицираат на Конкурсот.
Mоже да аплицираат оние кои учествувале или настапиле на фестивал кој е член на Европската асоцијација на фестивали, кои учествувале на меѓународен проект и манифестација надвор од Република Македонија, како национален претставник или учествувале или настапиле на меѓународен проект и манифестација надвор од Македонија, каде изборот на учесниците се објавува по пат на конкурс, аудиција или селекција.
За оваа намена се обезбедени финансиски средства од буџетот на Република Македонија за 2013 година, а надоместот за творечки дејности е во еднократен бруто износ од 30 илјади денари по наставник/соработник.