По Центар и Аеродром со порака до сопствениците на домашни миленици
Објавено во: Стил 20 Септември, 2013
Општина Аеродром апелира до граѓаните да се почитуваат законските одредби во врска со домашните миленици. Забрането е шетање на домашните миленици во дворовите на градинките и училиштата на територијата на општината.
Од општината информираат дека до нив стигнуваат поплаки од жителите оти во попладневните и вечерните часови може да се забележат несовесни граѓани како ги шетаат домашните миленици во дворовите на градинките и на училиштата, каде си играат децата.
Според законските одредби, домашните кучиња задолжително треба да носат заштитна маска и да бидат врзани, доколку има поголема раздвиженост на граѓаните, како и да се собира изметот на кучињата и да се фрла во кантите за отпадоци.
Општина Аеродром ги информира граѓаните дека пријавувањето на кучињата-скитници, како и други улични животни се врши во службите на ЈП „Комунална хигиена“, во Шинтерската служба на телефонот 8201 357.
