ПО ДОЛГИ ГОДИНИ УСПЕШНО МЕНАЏИРАЊЕ: Радош Вукичевиќ не е повеќе прв човек на Тиквеш

Добивај вести на Viber

По долги години успешно менаџирање со компанијата и плодни резултати во работењето, Радош Вукиќевиќ ја напушта директорката позиција во винаријата Тиквеш.

За ова компанијата ја извести инвеститорксата јавност преку Македонската берза. 

„Се констатира престанок на функцијата и се отповикува членот на Управниот одбор на ВВ Тиквеш Кавадарци, Радош Вукиќевиќ. Се констатира престанок на функцијата и се отповикува Генералниот директор на ВВ Тиквеш Кавадарци, Радош Вукиќевиќ. Се дава одобрение Управниот одбор на Акционерското друштво за производство и промет на вино, Винарска визба Тиквеш експорт импорт-Каварадци, да може да го овласти членот и претседателот на УО, Светозар Јаневски да го застапува друштвото без ограничувања како овластено лице заклучно до назначување на Генерален директор на друштвото. Се овластува Претседателот на УО на АД Винарска визба Тиквеш, односно лице овластено од него да ги преземе сите дејствија за поднесување пријава за упис на оваа одлука во Централниот регистар на РМ. Одлуката влегува во сила од денот на донесувањето - информираа од компанијата.

Набргу се очекува од компанијата да излезат со информации за тоа кој ќе седне на директорското место.

фото Фејсбук Винарија Тиквеш