ПО ГРЕШКА: Израелските војници убиле тројца заложници
Објавено во: Свет 15 Декември, 2023
Израелските војници по грешка убиле тројца заложници.
Портпаролот на израелската војска, контраадмиралoт Даниел Хагари вечерва изјави дека за време на борбите во областа Шеџаија во северниот дел на Појасот Газа, војниците по грешка идентификувале тројца израелски заложници како закана, пукале и ги убиле. Тој рече дека тоа е „трагичен инцидент за кој одговорност сносат Израелските одбранбени сили (ИДФ).
„Тоа е област каде војниците наишле на многу терористи, вклучително и бомбаши самоубијци“, додаде Хагари.
Заложниците ги именуваше како Јотам Хаим и Самар Талалак. Третиот заложник не беше именуван по барање на нивното семејство.
Хамас на 7 октомври почна напади на Израел, со барање за формирање на независна држава Палестина со главен град Ерусалим.