По решението на името: Странци навалиле да купуваат станови и згради во Македонија
Објавено во: Економија 30 Мај, 2019
Се зголемил
интересот за купување земјиште, но и згради и станови во Скопје но и во некои
други градови во земјава од странци или нашинци кои живеат надвор од земјата, велат
во агенциите за недвижнини. Се тврди
дека решението на проблемот со името дополнително ја набилдал побарувачката, а
некои од потенцијалните инвестотори барале да купат земјиште за да градат
најмногу хотели и згради, ама и старечки домови. Сепак, како што велат од
агенциите, странците тврделе дека процедурите во земјава не се баш едноставни,
па некои од нив се откажувале.
„Од повеќе делови од Европа има заинтересирани да купуваат земјиште и недвижнини во државата. Посебно за градење на згради и хотели, но има и интерес за изградба на старечки домови. Во моментов имам побарувачка од страна на турски бизнисмени кој сака да изгради зграда и хотел во Скопје и Охрид, Германец бара локација-маркица за градење на зграда во Скопје, Италијанец планира да инвестира во мала населба, да изгради куќи и згради на дел од Скопје, а имам и клиенти странци кои се во партнерство со Македонци кои сакаат да градат старечки домови, посебно во Дојран и Охрид“, вели за Фактор Снежана Динева од скопската агенција за недвижности Простор
Годинава, вели Динева имала зголемена побарувачка и за купување стан од нашинци или странци кои имаат некаков линк со земјава.
„Норвежанци, Германци, Швајцарци и други купувачи од Европа сакаат да си купат стан во земјава, затоа што овде им се поефтини, за да стекнат капитал повеќе, да профитираат од истите. Но има и побарувачи на станови, кои планирале своите пензионерски денови да ги поминат во оваа држава“, истакнува Динева.
Според агенцијата странците се загреани за свои инвестиции во нашата држава но наидуваат на долги процедури и многу време губење по институциите за да отпочнат официјално со градба, процедури со кои се губат дел од инвеститорите, како што вели таа едноставно се откажувале. Според неа државата мора да обрне внимание и на овој дел и да се потруди да ги скрати или забрза процедурите, за да не ги губиме инветиторите.
Н.М.