По „Црниот петок“ доаѓа „Сајбер понеделник“, Американците рушат рекорди во шопинг

Добивај вести на Viber

Американските купувачи со нов рекорд по онлајн потрошувачка за годинешниов „црни петок“, го надминаа за првпат прагот од една милијарда долари за еден ден, соопштија аналитичарите. Четирите дена одмор за време на Денот на благодарноста се почеток на празничниот шопинг сезона во САД, а Црниот петок се смета за критичен ден, потсетуваат медиумите. Бидејќи трошоците на граќаните сочинуваат поголем процент од американската економска активност, Црниот петок има огромно значење за американската економија за целата година. Оваа година онлајн купувачите потрошиле дури 1.042 милијарди долари, што е за 265 повече од лани,  соопшти консултантската компанија „Comscore“.  Вкупно 57.3 милиони Американци ги посетиле онлајн сајтови за продажба во петокот или за 18% повеќе од лани. Најпосетен сајт за продажба овој црн петок  бил „Amazon.com“. најмногу се купувале мобилни телефони и таблети. Сепак појаснуваат аналитичарите, американските маркетинг компании имаат идеи. Новиот рекорд веројатно ќе се задржи кратко време бидејќи за „Сајбер понеделник“, денот кога Американците се враќаат на работа, сајтовите за продажба почнуваат големи промоции за привлекување на уште купувачи. „Според статистиката во последните три години, понеделникот по Денот на благодарноста треба да е најоптоварениот ден за купување ден од сезоната, а продажбата може да стигне до 1.5 милијарди долари, па дури и повеќе“, посочи компанијата ШоперТрак. Вкупно во претходните четири викенди американските купувачи потрошиле 59.1 милијарди долари, за 13% повеќе од лани, соопшти Националната федерација за малопродажба.