ПО ЗАТВОРАЊЕТО НА ГРАНИЦИТЕ: На прсти се бројат луѓето кои влегуваат во менувачниците
Објавено во: Македонија, Корона Вирус 18 Март, 2020 06:55
Откако Владата донесе одлука да се затворат границите и аеродромите во земјава, со цел да се спречи ширењето на коронавирусот, нагло падна работата во менувачниците.
Во повеќето македонски градови, сопствениците на менувачници велат дека на прсти се бројат луѓето кои влегуваат да купат или сменат девизи. Очекуваат дека идните денови ќе биде уште полошо. Раскажуваат дека фреквенцијата низ градовите е сведена на минимум.
„Нема клиенти и можам да кажам дека за 98 отсто се намали работата. Денеска поминаа десетина луѓе, некои само прашуваат, а некои ги менуваат девизите кои ги имаат во денари. Ќе биде уште полошо“, велат од менувачница во Гевгелија.
Слична е состојбата во Охрид. Велат туристи нема, а и жителите на градот се трудат што повеќе време да поминуваат дома и да не излегуваат непотребно.
„Само 5-6 луѓе денеска влегоа во мојата менувачница. Туристи нема во градот. Луѓето или менуваат девизи во денари, или купуваат нешто ситно, до 50 евра. За 70 отсто падна работата. Луѓето навистина се исплашија, и тие што се движат низ градот се со ракавици и маски, а и јас користам ракавици затоа што сум во допир со пари. Искрено и јас се плашам. Денес ќе работам со скратено работно време, ќе затворам и ќе си одам“, раскажува охриѓанец.
Празно е низ чаршијата и во Кавадарци. Граѓаните се придржуваат до мерките на Владата.
„Низ чаршијата нема човек да видите. Луѓето менуваат 20 или 50 евра во денари, колку да отидат да пазарат. Каква ќе биде состојбата идните денови ќе зависи од мерките на Владата, ќе се менуваат работите од ден во ден, но во менувачниците секако ќе има помалку работа“, изави сопственик на менувачница од Кавадарци.
Владата прво одлучи да го затвори охридскиот, а потоа и скопскиот аеродром, како и сите гранични премини.
И во регионот, земјите ги затвораат границите со цел да спречат ширење на Ковид 19.
Македонскиот министер за надворешни работи, Никола Димитров ги повика граѓаните да се воздржат од патувања.
Во Македонија порасна бројот на заразени од Ковид 19, при што најголем дел од нив се од Дебар, град кој е во кризна состојба.
Сања Атанасовска* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КРИВИЧНА ПРИЈАВА ЗА ДИРЕКТОРКА НА СРЕДНО УЧИЛИШТЕ ОД ДЕЛЧЕВО - МВР ја товари за „фалсификуван тест за англиски“
ЕУ ДА ИЗВРШИ ПРИТИСОК ВРЗ ТИЕ ШТО ГО БЛОКИРААТ ПРОЦЕОТ НА ПРОШИРУВАЊЕ: Николоски - Македонија одамна засужила да ги почне преговорите
САД го прошируваат списокот на земји на чии граѓани им се забранува влез
„БЕДА НА БАТЕРИИ“: Дуковски го нарече Фрчкоски политички шанер и блефер
КАКО ЌЕ КАЗНУВА ПОЛИЦИЈАТА СПОРЕД СЕЈФ СИТИ? Имате „шанса за помилување“ само ако се борите за живот
„ДО КАЈ СИ СО КИТЕЊЕТО?“Клучна реченица која го одразува владеењето на ВМРО ДПМНЕ, вели Фрчковски
„ЗАЕВ ЈА ФИНАНСИРА ВОЈНАТА ВО УКРАИНА“: Груевски со шокантни обвинувања до екс премиерот на Македонија
(ВИДЕО) ЈОРДАНОВ СЕ ПОФАЛИ: Еве како новогодишно го украси Штип
УТРЕ ДА ГИ ВНЕСЕМЕ БУГАРИТЕ ВО УСТАВ, ПРАШАЊЕ Е ДАЛИ ЗА 3,6 ИЛИ 9 МЕСЕЦИ ЌЕ ИМАМЕ НОВ УСЛОВ: Мицкоски за уставните измени
