Почина војник кој гасел пожар на Криволак
Објавено во: Македонија 13 Октомври, 2017
Војник на АРМ кој учествувал во гасење на пожар предизвикан од планско гаѓање од страна на единица на АРМ по интервенцијата пријавил дека не се чуствува добро, бил пренесен во неготинската болница, но за жал починал.
Веднаш со армиско болничко возило и придружба на воен лекар бил упатен кон најблиската здравствена установа, во случајот здравствениот дом во Неготино, каде по пристигнувањето од страна на персоналот се пристапило кон реанимација, но по кратко време била констатирана смрт, соопшти Генералштабот на Армијата на Република Македонија.
Случајот и причините за овој несреќен случај во текот на вечерните часови се испитувале од страна на истражен судија кој извршил увид за смртта на професионалниот војник О.Х. (35).
По објавувањето на официјалниот извештај за обдукција од Институтот за судска медицина во Скопје, ќе се утврдат причините поради кои настанала смртта кај професионалниот војник за што од Генералштабот на АРМ најавуваат дека дополнително ќе ја информира јавноста.