„ПОЧИВАЈ ВО МИР, ГЕНЕРАЛЕ“: Ковачки се простува од екс началникот на Генералштабот на АРМ, Ѓорѓи Бојаџиев
Објавено во: Македонија 02 Декември, 2024
Тажни вести синоќа пристигнаа од Драган Ковачки. Тој објави дека вчера починал поранешниот началник на Генералштабот на АРМ, генералот Ѓорѓи Бојаџиев.
„Денес почина нашиот поранешен началник на Генералштабот на АРМ, генерал Ѓорѓи Бојаџиев.
Неговата посветеност, љубовта кон татковината и личниот придонес за Армијата и за Македонија, како и грижата за неговите подредени, ќе останат засекогаш запаметени.
Последен пат се сретнавме за време на парламентарни избори, кога, како и секогаш, зрачеше со енергија, оптимизам и љубов кон својот народ.
Како таков генерал ќе го паметам – секогаш на страната на вистината.
Почивај во мир, генерале.“, напиша тој.
Информацијата утринава ја потврдија и од Генералштабот.
„По кратко и тешко боледување во текот на вчерашниот ден на 74- годишна возраст, почина пензионираниот генерал-мајор Ѓорѓи Бојаџиев, поранешен началник на Генералштабот на Армијата. Бојаџиев е роден 31 март 1950 година во Ново Село, Струмица. Завршил гимназија во 1969 година, а потоа своето образование го продолжил на Воената академија на Копнената војска на ЈНА и истата ја завршил во 1973 година. Командно-штабна академија завршил како припадник на АРМ во 1995 година, а највисокиот степен на воено образование Школо за национална одбрана завршил во Франција, во 2001 година.
Генералот Бојаџиев во текот на неговата воена кариера, до неговото пензионирање во 2005 година, извршувал повеќе високи должности во Армијата, како командант на моторизирана бригада, командант на дивизија, началник на управата за операции, готовност и обука во Генералштабот, командант на гранична бригада, а во период од 2004 до 2005 година и највисоката должност началник на Генералштабот на Армијата.
Во текот на својата кариера повеќе пати добивал награди и признанија како заслуга за својата беспрекорна посветеност и залагање во армиската служба, пред сè во унапредувањето и усовршувањето на Армијата и армиските процеси, меѓу кои е одликуван и со Медал за воени заслуги и Орден за воени заслуги со сребрени мечеви.
Генералот Ѓорѓи Бојаџиев ќе биде погребан со воени почести денес на Градските гробишта во Штип во 14 часот, а посмртните останки ќе бидат изложени во капелата од 13.00до 14.00 часот“, се вели во соопштението оттаму.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Запалени дуќан на функционер на ДУИ и автомобил на јавен обвинител во Куманово
„ГРАЃАНИТЕ ДА НЕ ОТКРИВААТ ЛИЧНИ ПОДАТОЦИ“: Народна банка предупредува „зачестија измамите со уплата на средства“
ЦУК: Туристи останале заглавени во хотелот „Радика“
ЕВЕ КАКО ДЕЦАТА ОД „7 МАРТ“ ГО СЛАВЕА ДЕНОТ НА АЛБАНСКОТО ЗНАМЕ: Облечени во воени униформи, во позиција за пукање и со оружје во рацете
ЛИДЕРОТ НА ДУЌАНЧИК ТВРДИ ДЕКА Е НЕВИН: Живее и работи во Дубаи
ОСМАНИ ЈА ЧИТА МЕРКЕЛ: Додека чекаше авионот да му полета, се занимаваше читајќи книга
А ШТО МИСЛИ МАКСИМ ДИМИТРИЕВСКИ ЗА ИНЦИДЕНТИТЕ СО ЗНАМЕТО? Еве што има да каже на таа тема
УШТЕ ЕДЕН НОВ ВЛАЖЕН БРАН ДОАЃА ВО ЗЕМЈАВА: Какво време ќе имаме претстојната недела? Попоски со детали
ОЧЕКУВАМ ИЗВИНУВАЊЕ, ВО СПРОТИВНО ЌЕ ТУЖАМ - Груби ги демантира Вреди, вели дека нема врска со инцидентот
