ПОЧНА ИСПЛАТАТА ЗА СКЕНИРАНИТЕ СМЕТКИ: Граѓаните ќе добијат 3,9 милиони евра
Објавено во: Економија 03 Февруари, 2020
Започна исплатата за второто тримесечје на #МојДДВ, соопшти Управата за јавни приходи. На објавата на МојДДВ на фејсбук стои дека на сметките на корисниците на апликацијата кои скенирале фискални сметки во месеците октомври, ноември и декември 2019 година, ќе бидат исплатени 3.871.000 евра.
„Управата за јавни приходи уште еднаш апелира до граѓаните да ги проверат своите трансакциски сметки и доколку има грешка во внесувањето, да ја коригираат со цел навремена и ефикасна исплата, стои во известувањето.
Инаку од 1 јули 2019 година или од кога почна скенирањетона фискалните сметки до крајот на јануари годинава апликацијата има вкупно 236.442, а скенирани 66.885.228 фискални сметки. Со тие сметки остварен е промет од 32.456.740.434 денари а вкупниот ДДВ е 3.512.292.634 денари. ПОвратот од 15 отсто од ДДв изнесува 526.843.896 денари или 8.567.000 евра
Во објавата стои и дека само во месец јануари 2020, првиот месец од третото тримесечје има нови 23.387 корисници на апликацијата МојДДВ и вкупен поврат 15 отсто од ДДВ заклучно со 31.01.2020 во износ од 1.724.000 евра